Ég á það til að detta inn á e-bay og versla mér eitthvað dót, í dag fékk ég sent frá Hong Kong 3 nýja ND filtera á myndavélina mína, svo á ég í pöntun leður hulstur utan um nýja símann minn. Fyrir hulstrið borgaði ég 2 pund og sendingarkostnaðurinn er innifalinn, ekki slæmt það. Það er meira á leiðinni, frá kína pantaði ég 7 porta hubb með straum fyrir lítil 3,5 pund og frí heimsending, fæ straumbreyti fyrir evrópu með. Ég keypti mér hárklippur um daginn í Elkjöp, kostuðu ekki nema 15.000 isl kr, þetta átti að vera það besta í búðinni og ég lét til leiðast og keypti klippurnar, þegar að heim var komið prufaði ég að setja þetta í hausinn á mér, virkaði ágætlega fyrir hárið en vonlaust fyrir skeggið. Kambarnir voru svo mjúkir að þeir gáfu eftir, ég var blettóttur í andlitinu og tók þá ákvörðun að skila klippunum. Í staðinn pantaði ég á ebay voða fínar klippur (vonandi,þær eru ekki komnar en ég las það á netinu að þetta væri þaðheitasta í UK þessa stundina) Remington HC365 Professional Ceramic Hair Clipper og gera aðrir betur. 15 pund, takk fyrir.

Það er ekki allt upptalið enn, ég á von á geisladiski sem ég ætla að gefa vini mínum, hann er Metallica aðdáandi og er að fara að eignast sitt 3 barn, svo að ég pantaði disk með Metallica lögum útsett sem vögguvísur.  

Á föstudaginn er ég svo að fara að prufukeyra bíl, Golf steisjón 2008, 1,9 dísel. 

Eðal vagn frá VW