Um daginn þegar að við Olla keyrðum til Kongsberg settum við hljóðbók í græjurnar, það sem var svo magnað við þetta var að ég þurfti ekki að hlusta á ruglið og rausið í Ollu alla leiðina... Nei nei við hlustuðum alla leiðina og tíminn flaug áfram, hrikalega skemmtilegt. ég er búinna ð hlusta á nokkrar hljóð bækur þegar að ég keyri úr og í vinnu.

Um helgina var tekið á því. Olla var í skólanum og ég ætlaði að taka til í garðinum, það fór eitthvað lítið fyrir því á laugardaginn þar sem það ringdi, í staðinn skaust ég út og skar niður nokkra rabbabara og bjó til sultu, í leiðinni hnoðaði ég í nokkur rúgbrð og henti í ofninn, frá því er helst að segja að sultan er mjög góð og þrumarinn alveg svakalegur. Það er ég er að grenslast fyrir núna er hvort að það geti ekki einhver rykt fyrir mig kjöt þá er ég í góðum málum.

Á sunnudaginn var sól og blíða, ég ætlaði að setja upp lítinn girðingar stubb því að gamla girðingin var horfinn út af tyði og búið að traðka hana niður, þegar að ég var kominn að þeim stað sem gamla griðingin var í lagi sá ég að það yrði ekki fallegt að skeita saman girðingarnar og hófst handa við að klippa niður runna og saga niður tré. 7 tímum seinna var garðurinn orðinn 5 fermetrum stærri og ný girðing komin upp. Allir íbúar hússin í skýjunum hvað vel tókst til og ég auðvita hrikalega montinn.

Stebba kom í heimsókn með Sævar Zakarías og Þóru og var slegið upp vöflu veislu, rabbabara sultan var vinsæl (sérstaklega hjá mér) og eftir stutt át hófst ég handa viða að girða. 

Í gær þegar að ég vaknaði til að fara í vinnuna var ég ónýtur í vinstri þumalputtanum, ásæðan er sennilega eitthvað sem ég hef gert í garðinum.

Ég mætti í stuttbuxum í vinnuna í gær, enda sól og blíða. Þegar að ég kem í vinnuna fer ég úr stuttbuxunum og í vinnugallan, það byrjaði að rigna um leið með þrumum og eldingum. það ringdi allan daginn, þegar að e´g skipti aftur um föt og fer í stuttbuxurnar eftir vinnudaginn hættir að rigna og ég keyri heim í sól og blíðu.