Ég ákvað að sofa út í morgun, hef ekki gert það lengi enda ástæða fyrir því, ég fæ alltaf hausverk ef ég sef lengi. Ég vaknaði fyrir kl 7 og náði að sofna aftur, vaknaði svo kl 10 og kom mér á fætur, að vakna kl 10 buað hausverknum heim, ég er búinn að vera með hausverk í dag og er rétt að lagast núna.

En ég hef ekki verið aðgerða laus í dag, ég skrapp í IKEA og ætlaði að kaupa nýjann CD skáp þar sem okkar er löngu orðinn yfirfullur, það var hætt að selja týpuna sem við erum með og verð ég að leita annara leiða til að finna svoleiðis skáp, enda sennilega með að fara í fretex (hjálpræðis herinn) og sjá hvort að það sé til svona skápur hjá þeim.

Svo tók ég stórann hníf með mér út í garð og skar niður nokkra rabbabara, sauð sultu sem er komin inn í ísskáp og bragðst einstaklega vel, hanski að maður hendi í vöflur á morgun. En þetta var ekki það eina sem ég gerði í eldhúsinu, heldur skellti ég í rúgbrauð, fann uppskrift á netinu og með aðstoð frá hinum og þessum náði ég að hnoða þessu saman og nú er þetta í ofninum og verður tilbúið um kl 1 í nótt, ætli ég slökkvi bara ekki á ofninum þegar að ég fari að sofa og leifi þessu að kólna hægt og rólega í ofninum í nótt.

Á morgun ætla ég að flytja inn í geymsluna, setja upp eina girðingu og jafnvel að bora gat á húsið, en við ætlum að setja vatnskrana út til að auðvelda okkur garðstörfin. Svo ætla ég að háþrýsti þvo svalirnar.

Olla, Jóhann og Unnur.
Tekið í afmælinu hjá Heimi um síðustu helgi.
Ýtið á myndina til að sjá hana stærri